1 Corinthians 4

1 Corinthians 4:1

sic nos existimet homo ut ministros Christi et dispensatores mysteriorum Dei

1 Corinthians 4:2

hic iam quaeritur inter dispensatores ut fidelis quis inveniatur

1 Corinthians 4:3

mihi autem pro minimo est ut a vobis iudicer aut ab humano die sed neque me ipsum iudico

1 Corinthians 4:4

nihil enim mihi conscius sum sed non in hoc iustificatus sum qui autem iudicat me Dominus est

1 Corinthians 4:5

itaque nolite ante tempus iudicare quoadusque veniat Dominus qui et inluminabit abscondita tenebrarum et manifestabit consilia cordium et tunc laus erit unicuique a Deo

1 Corinthians 4:6

haec autem fratres transfiguravi in me et Apollo propter vos ut in nobis discatis ne supra quam scriptum est unus adversus alterum infletur pro alio

1 Corinthians 4:7

quis enim te discernit quid autem habes quod non accepisti si autem accepisti quid gloriaris quasi non acceperis

1 Corinthians 4:8

iam saturati estis iam divites facti estis sine nobis regnastis et utinam regnaretis ut et nos vobiscum regnaremus

1 Corinthians 4:9

puto enim Deus nos apostolos novissimos ostendit tamquam morti destinatos quia spectaculum facti sumus mundo et angelis et hominibus

1 Corinthians 4:10

nos stulti propter Christum vos autem prudentes in Christo nos infirmi vos autem fortes vos nobiles nos autem ignobiles

1 Corinthians 4:11

usque in hanc horam et esurimus et sitimus et nudi sumus et colaphis caedimur et instabiles sumus

1 Corinthians 4:12

et laboramus operantes manibus nostris maledicimur et benedicimus persecutionem patimur et sustinemus

1 Corinthians 4:13

blasphemamur et obsecramus tamquam purgamenta huius mundi facti sumus omnium peripsima usque adhuc

1 Corinthians 4:14

non ut confundam vos haec scribo sed ut filios meos carissimos moneo

1 Corinthians 4:15

nam si decem milia pedagogorum habeatis in Christo sed non multos patres nam in Christo Iesu per evangelium ego vos genui

1 Corinthians 4:16

rogo ergo vos imitatores mei estote

1 Corinthians 4:17

ideo misi ad vos Timotheum qui est filius meus carissimus et fidelis in Domino qui vos commonefaciat vias meas quae sunt in Christo sicut ubique in omni ecclesia doceo

1 Corinthians 4:18

tamquam non venturus sim ad vos sic inflati sunt quidam

1 Corinthians 4:19

veniam autem cito ad vos si Dominus voluerit et cognoscam non sermonem eorum qui inflati sunt sed virtutem

1 Corinthians 4:20

non enim in sermone est regnum Dei sed in virtute

1 Corinthians 4:21

quid vultis in virga veniam ad vos an in caritate et spiritu mansuetudinis