1 Peter 3

1 Peter 3:1

similiter mulieres subditae suis viris ut et si qui non credunt verbo per mulierum conversationem sine verbo lucri fiant

1 Peter 3:2

considerantes in timore castam conversationem vestram

1 Peter 3:3

quarum sit non extrinsecus capillaturae aut circumdatio auri aut indumenti vestimentorum cultus

1 Peter 3:4

sed qui absconditus cordis est homo in incorruptibilitate quieti et modesti spiritus quod est in conspectu Dei locuples

1 Peter 3:5

sic enim aliquando et sanctae mulieres sperantes in Deo ornabant se subiectae propriis viris

1 Peter 3:6

sicut Sarra oboediebat Abrahae dominum eum vocans cuius estis filiae benefacientes et non timentes ullam perturbationem

1 Peter 3:7

viri similiter cohabitantes secundum scientiam quasi infirmiori vaso muliebri inpertientes honorem tamquam et coheredibus gratiae vitae uti ne inpediantur orationes vestrae

1 Peter 3:8

in fine autem omnes unianimes conpatientes fraternitatis amatores misericordes humiles

1 Peter 3:9

non reddentes malum pro malo vel maledictum pro maledicto sed e contrario benedicentes quia in hoc vocati estis ut benedictionem hereditate possideatis

1 Peter 3:10

qui enim vult vitam diligere et videre dies bonos coerceat linguam suam a malo et labia eius ne loquantur dolum

1 Peter 3:11

declinet autem a malo et faciat bonum inquirat pacem et persequatur eam

1 Peter 3:12

quia oculi Domini super iustos et aures eius in preces eorum vultus autem Domini super facientes mala

1 Peter 3:13

et quis est qui vobis noceat si boni aemulatores fueritis

1 Peter 3:14

sed et si quid patimini propter iustitiam beati timorem autem eorum ne timueritis et non conturbemini

1 Peter 3:15

Dominum autem Christum sanctificate in cordibus vestris parati semper ad satisfactionem omni poscenti vos rationem de ea quae in vobis est spe

1 Peter 3:16

sed cum modestia et timore conscientiam habentes bonam ut in eo quod detrahunt vobis confundantur qui calumniantur vestram bonam in Christo conversationem

1 Peter 3:17

melius est enim benefacientes si velit voluntas Dei pati quam malefacientes

1 Peter 3:18

quia et Christus semel pro peccatis mortuus est iustus pro iniustis ut nos offerret Deo mortificatus carne vivificatus autem spiritu

1 Peter 3:19

in quo et his qui in carcere erant spiritibus veniens praedicavit

1 Peter 3:20

qui increduli fuerant aliquando quando expectabat Dei patientia in diebus Noe cum fabricaretur arca in qua pauci id est octo animae salvae factae sunt per aquam

1 Peter 3:21

quod et vos nunc similis formae salvos facit baptisma non carnis depositio sordium sed conscientiae bonae interrogatio in Deum per resurrectionem Iesu Christi

1 Peter 3:22

qui est in dextera Dei profectus in caelum subiectis sibi angelis et potestatibus et virtutibus