1 Thessalonians 5

1 Thessalonians 5:1

de temporibus autem et momentis fratres non indigetis ut scribamus vobis

1 Thessalonians 5:2

ipsi enim diligenter scitis quia dies Domini sicut fur in nocte ita veniet

1 Thessalonians 5:3

cum enim dixerint pax et securitas tunc repentinus eis superveniet interitus sicut dolor in utero habenti et non effugient

1 Thessalonians 5:4

vos autem fratres non estis in tenebris ut vos dies ille tamquam fur conprehendat

1 Thessalonians 5:5

omnes enim vos filii lucis estis et filii diei non sumus noctis neque tenebrarum

1 Thessalonians 5:6

igitur non dormiamus sicut ceteri sed vigilemus et sobrii simus

1 Thessalonians 5:7

qui enim dormiunt nocte dormiunt et qui ebrii sunt nocte ebrii sunt

1 Thessalonians 5:8

nos autem qui diei sumus sobrii simus induti loricam fidei et caritatis et galeam spem salutis

1 Thessalonians 5:9

quoniam non posuit nos Deus in iram sed in adquisitionem salutis per Dominum nostrum Iesum Christum

1 Thessalonians 5:10

qui mortuus est pro nobis ut sive vigilemus sive dormiamus simul cum illo vivamus

1 Thessalonians 5:11

propter quod consolamini invicem et aedificate alterutrum sicut et facitis

1 Thessalonians 5:12

rogamus autem vos fratres ut noveritis eos qui laborant inter vos et praesunt vobis in Domino et monent vos

1 Thessalonians 5:13

ut habeatis illos abundantius in caritate propter opus illorum pacem habete cum eis

1 Thessalonians 5:14

rogamus autem vos fratres corripite inquietos consolamini pusillianimes suscipite infirmos patientes estote ad omnes

1 Thessalonians 5:15

videte ne quis malum pro malo alicui reddat sed semper quod bonum est sectamini et in invicem et in omnes

1 Thessalonians 5:16

semper gaudete

1 Thessalonians 5:17

sine intermissione orate

1 Thessalonians 5:18

in omnibus gratias agite haec enim voluntas Dei est in Christo Iesu in omnibus vobis

1 Thessalonians 5:19

Spiritum nolite extinguere

1 Thessalonians 5:20

prophetias nolite spernere

1 Thessalonians 5:21

omnia autem probate quod bonum est tenete

1 Thessalonians 5:22

ab omni specie mala abstinete vos

1 Thessalonians 5:23

ipse autem Deus pacis sanctificet vos per omnia et integer spiritus vester et anima et corpus sine querella in adventu Domini nostri Iesu Christi servetur

1 Thessalonians 5:24

fidelis est qui vocavit vos qui etiam faciet

1 Thessalonians 5:25

fratres orate pro nobis

1 Thessalonians 5:26

salutate fratres omnes in osculo sancto

1 Thessalonians 5:27

adiuro vos per Dominum ut legatur epistula omnibus sanctis fratribus

1 Thessalonians 5:28

gratia Domini nostri Iesu Christi vobiscum amen