1 Timothy 2

1 Timothy 2:1

obsecro igitur primo omnium fieri obsecrationes orationes postulationes gratiarum actiones pro omnibus hominibus

1 Timothy 2:2

pro regibus et omnibus qui in sublimitate sunt ut quietam et tranquillam vitam agamus in omni pietate et castitate

1 Timothy 2:3

hoc enim bonum est et acceptum coram salutari nostro Deo

1 Timothy 2:4

qui omnes homines vult salvos fieri et ad agnitionem veritatis venire

1 Timothy 2:5

unus enim Deus unus et mediator Dei et hominum homo Christus Iesus

1 Timothy 2:6

qui dedit redemptionem semet ipsum pro omnibus testimonium temporibus suis

1 Timothy 2:7

in quo positus sum ego praedicator et apostolus veritatem dico non mentior doctor gentium in fide et veritate

1 Timothy 2:8

volo ergo viros orare in omni loco levantes puras manus sine ira et disceptatione

1 Timothy 2:9

similiter et mulieres in habitu ornato cum verecundia et sobrietate ornantes se non in tortis crinibus aut auro aut margaritis vel veste pretiosa

1 Timothy 2:10

sed quod decet mulieres promittentes pietatem per opera bona

1 Timothy 2:11

mulier in silentio discat cum omni subiectione

1 Timothy 2:12

docere autem mulieri non permitto neque dominari in virum sed esse in silentio

1 Timothy 2:13

Adam enim primus formatus est deinde Eva

1 Timothy 2:14

et Adam non est seductus mulier autem seducta in praevaricatione fuit

1 Timothy 2:15

salvabitur autem per filiorum generationem si permanserint in fide et dilectione et sanctificatione cum sobrietate