2 Corinthians 10

2 Corinthians 10:1

ipse autem ego Paulus obsecro vos per mansuetudinem et modestiam Christi qui in facie quidem humilis inter vos absens autem confido in vobis

2 Corinthians 10:2

rogo autem ne praesens audeam per eam confidentiam qua existimo audere in quosdam qui arbitrantur nos tamquam secundum carnem ambulemus

2 Corinthians 10:3

in carne enim ambulantes non secundum carnem militamus

2 Corinthians 10:4

nam arma militiae nostrae non carnalia sed potentia Deo ad destructionem munitionum consilia destruentes

2 Corinthians 10:5

et omnem altitudinem extollentem se adversus scientiam Dei et in captivitatem redigentes omnem intellectum in obsequium Christi

2 Corinthians 10:6

et in promptu habentes ulcisci omnem inoboedientiam cum impleta fuerit vestra oboedientia

2 Corinthians 10:7

quae secundum faciem sunt videte si quis confidit sibi Christi se esse hoc cogitet iterum apud se quia sicut ipse Christi est ita et nos

2 Corinthians 10:8

nam et si amplius aliquid gloriatus fuero de potestate nostra quam dedit Dominus in aedificationem et non in destructionem vestram non erubescam

2 Corinthians 10:9

ut autem non existimer tamquam terrere vos per epistulas

2 Corinthians 10:10

quoniam quidem epistulae inquiunt graves sunt et fortes praesentia autem corporis infirma et sermo contemptibilis

2 Corinthians 10:11

hoc cogitet qui eiusmodi est quia quales sumus verbo per epistulas absentes tales et praesentes in facto

2 Corinthians 10:12

non enim audemus inserere aut conparare nos quibusdam qui se ipsos commendant sed ipsi in nobis nosmet ipsos metientes et conparantes nosmet ipsos nobis

2 Corinthians 10:13

nos autem non in inmensum gloriabimur sed secundum mensuram regulae quam mensus est nobis Deus mensuram pertingendi usque ad vos

2 Corinthians 10:14

non enim quasi non pertingentes ad vos superextendimus nos usque ad vos enim pervenimus in evangelio Christi

2 Corinthians 10:15

non in inmensum gloriantes in alienis laboribus spem autem habentes crescentis fidei vestrae in vobis magnificari secundum regulam nostram in abundantiam

2 Corinthians 10:16

etiam in illa quae ultra vos sunt evangelizare non in aliena regula in his quae praeparata sunt gloriari

2 Corinthians 10:17

qui autem gloriatur in Domino glorietur

2 Corinthians 10:18

non enim qui se ipsum commendat ille probatus est sed quem Dominus commendat