2 Corinthians 8

2 Corinthians 8:1

notam autem facimus vobis fratres gratiam Dei quae data est in ecclesiis Macedoniae

2 Corinthians 8:2

quod in multo experimento tribulationis abundantia gaudii ipsorum et altissima paupertas eorum abundavit in divitias simplicitatis eorum

2 Corinthians 8:3

quia secundum virtutem testimonium illis reddo et supra virtutem voluntarii fuerunt

2 Corinthians 8:4

cum multa exhortatione obsecrantes nos gratiam et communicationem ministerii quod fit in sanctos

2 Corinthians 8:5

et non sicut speravimus sed semet ipsos dederunt primum Domino deinde nobis per voluntatem Dei

2 Corinthians 8:6

ita ut rogaremus Titum ut quemadmodum coepit ita et perficiat in vos etiam gratiam istam

2 Corinthians 8:7

sed sicut in omnibus abundatis fide et sermone et scientia et omni sollicitudine et caritate vestra in nos ut et in hac gratia abundetis

2 Corinthians 8:8

non quasi imperans dico sed per aliorum sollicitudinem etiam vestrae caritatis ingenitum bonum conprobans

2 Corinthians 8:9

scitis enim gratiam Domini nostri Iesu Christi quoniam propter vos egenus factus est cum esset dives ut illius inopia vos divites essetis

2 Corinthians 8:10

et consilium in hoc do hoc enim vobis utile est qui non solum facere sed et velle coepistis ab anno priore

2 Corinthians 8:11

nunc vero et facto perficite ut quemadmodum promptus est animus voluntatis ita sit et perficiendi ex eo quod habetis

2 Corinthians 8:12

si enim voluntas prompta est secundum id quod habet accepta est non secundum quod non habet

2 Corinthians 8:13

non enim ut aliis sit remissio vobis autem tribulatio sed ex aequalitate

2 Corinthians 8:14

in praesenti tempore vestra abundantia illorum inopiam suppleat ut et illorum abundantia vestrae inopiae sit supplementum ut fiat aequalitas sicut scriptum est

2 Corinthians 8:15

qui multum non abundavit et qui modicum non minoravit

2 Corinthians 8:16

gratias autem Deo qui dedit eandem sollicitudinem pro vobis in corde Titi

2 Corinthians 8:17

quoniam exhortationem quidem suscepit sed cum sollicitior esset sua voluntate profectus est ad vos

2 Corinthians 8:18

misimus etiam cum illo fratrem cuius laus est in evangelio per omnes ecclesias

2 Corinthians 8:19

non solum autem sed et ordinatus ab ecclesiis comes peregrinationis nostrae in hac gratia quae ministratur a nobis ad Domini gloriam et destinatam voluntatem nostram

2 Corinthians 8:20

devitantes hoc ne quis nos vituperet in hac plenitudine quae ministratur a nobis

2 Corinthians 8:21

providemus enim bona non solum coram Deo sed etiam coram hominibus

2 Corinthians 8:22

misimus autem cum illis et fratrem nostrum quem probavimus in multis saepe sollicitum esse nunc autem multo sollicitiorem confidentia multa in vos

2 Corinthians 8:23

sive pro Tito qui est socius meus et in vos adiutor sive fratres nostri apostoli ecclesiarum gloriae Christi

2 Corinthians 8:24

ostensionem ergo quae est caritatis vestrae et nostrae gloriae pro vobis in illos ostendite in faciem ecclesiarum