2 Thessalonians 3

2 Thessalonians 3:1

de cetero fratres orate pro nobis ut sermo Domini currat et clarificetur sicut et apud vos

2 Thessalonians 3:2

et ut liberemur ab inportunis et malis hominibus non enim omnium est fides

2 Thessalonians 3:3

fidelis autem Dominus est qui confirmabit vos et custodiet a malo

2 Thessalonians 3:4

confidimus autem de vobis in Domino quoniam quae praecipimus et facitis et facietis

2 Thessalonians 3:5

Dominus autem dirigat corda vestra in caritate Dei et patientia Christi

2 Thessalonians 3:6

denuntiamus autem vobis fratres in nomine Domini nostri Iesu Christi ut subtrahatis vos ab omni fratre ambulante inordinate et non secundum traditionem quam acceperunt a nobis

2 Thessalonians 3:7

ipsi enim scitis quemadmodum oporteat imitari nos quoniam non inquieti fuimus inter vos

2 Thessalonians 3:8

neque gratis panem manducavimus ab aliquo sed in labore et fatigatione nocte et die operantes ne quem vestrum gravaremus

2 Thessalonians 3:9

non quasi non habuerimus potestatem sed ut nosmet ipsos formam daremus vobis ad imitandum nos

2 Thessalonians 3:10

nam et cum essemus apud vos hoc denuntiabamus vobis quoniam si quis non vult operari nec manducet

2 Thessalonians 3:11

audimus enim inter vos quosdam ambulare inquiete nihil operantes sed curiose agentes

2 Thessalonians 3:12

his autem qui eiusmodi sunt denuntiamus et obsecramus in Domino Iesu Christo ut cum silentio operantes suum panem manducent

2 Thessalonians 3:13

vos autem fratres nolite deficere benefacientes

2 Thessalonians 3:14

quod si quis non oboedit verbo nostro per epistulam hunc notate et non commisceamini cum illo ut confundatur

2 Thessalonians 3:15

et nolite quasi inimicum existimare sed corripite ut fratrem

2 Thessalonians 3:16

ipse autem Dominus pacis det vobis pacem sempiternam in omni loco Dominus cum omnibus vobis

2 Thessalonians 3:17

salutatio mea manu Pauli quod est signum in omni epistula ita scribo

2 Thessalonians 3:18

gratia Domini nostri Iesu Christi cum omnibus vobis amen