2 Timothy 3

2 Timothy 3:1

hoc autem scito quod in novissimis diebus instabunt tempora periculosa

2 Timothy 3:2

et erunt homines se ipsos amantes cupidi elati superbi blasphemi parentibus inoboedientes ingrati scelesti

2 Timothy 3:3

sine affectione sine pace criminatores incontinentes inmites sine benignitate

2 Timothy 3:4

proditores protervi tumidi voluptatium amatores magis quam Dei

2 Timothy 3:5

habentes speciem quidem pietatis virtutem autem eius abnegantes et hos devita

2 Timothy 3:6

ex his enim sunt qui penetrant domos et captivas ducunt mulierculas oneratas peccatis quae ducuntur variis desideriis

2 Timothy 3:7

semper discentes et numquam ad scientiam veritatis pervenientes

2 Timothy 3:8

quemadmodum autem Iannes et Mambres restiterunt Mosi ita et hii resistunt veritati homines corrupti mente reprobi circa fidem

2 Timothy 3:9

sed ultra non proficient insipientia enim eorum manifesta erit omnibus sicut et illorum fuit

2 Timothy 3:10

tu autem adsecutus es meam doctrinam institutionem propositum fidem longanimitatem dilectionem patientiam

2 Timothy 3:11

persecutiones passiones qualia mihi facta sunt Antiochiae Iconii Lystris quales persecutiones sustinui et ex omnibus me eripuit Dominus

2 Timothy 3:12

et omnes qui volunt pie vivere in Christo Iesu persecutionem patientur

2 Timothy 3:13

mali autem homines et seductores proficient in peius errantes et in errorem mittentes

2 Timothy 3:14

tu vero permane in his quae didicisti et credita sunt tibi sciens a quo didiceris

2 Timothy 3:15

et quia ab infantia sacras litteras nosti quae te possint instruere ad salutem per fidem quae est in Christo Iesu

2 Timothy 3:16

omnis scriptura divinitus inspirata et utilis ad docendum ad arguendum ad corrigendum ad erudiendum in iustitia

2 Timothy 3:17

ut perfectus sit homo Dei ad omne opus bonum instructus